Multilingwismo komo oportunidat

Inclusief Taalonderwijs Bonaire (iTOB) a surgi for di un kolaborashon entre tur skol básiko, skol sekundario, i enseñansa profeshonal sekundario na Boneiru. E proyekto akí a surgi for di e nesesidat pa atendé multilingualismo den klas na un manera struktural.

Muchanan na Boneiru ta lanta den un ambiente multilingual. Pa mayoria alumno, papiamentu ta nan idioma materno, miéntras ku na skol nan ta haña lès na hulandes. Debí na migrashon, tambe tin oumento di kantidat di alumno ku otro idiomanan materno ku mester siña tantu papiamentu komo hulandes. Alumnonan hulandes ta konfrontá un reto si nan ke siña papiamentu. Ademas, por skucha idioma ingles mas i mas den kurá di skol, i alumnonan ta aktivamente enbolbí ku vários idioma via medionan sosial. Pues kasi tur alumno ta trata ku múltiple idioma den nan bida diario. E situashon úniko akí na Boneiru ta boga pa un maneho di idioma spesífiko i inovashon den enseñansa. E meta di iTOB ta pa utilisá multilingualismo den enseñansa na un manera sientífiko i stratégiko, ku e meta final pa promové éksito den estudio di e alumnonan.